Það er mikill heiður að fá í sölu penna eftir einn fremsta og virtasta pennasmið heims, Henry Simpole, sem lést árið 2020. Henry, eða pennamaðurinn eins og hann var jafnan kallaður hafði verið í samstarfi með Conway Stewart frá árinu 2008 þegar hann hannaði og smíðaði silfur klæðningar utan um Conway Stewart penna.
Pennarnir voru smíðaðir úr sterling silfri eftir 6000 ára gamalli aðferð sem kallast "lost-wax". Sú framleiðsluaðferð byggist á því að smiðurinn mótar einstakt listaverk sitt í vax og þegar heitu silfrinu er hellt inn í mótið bræðir það vaxið og fyllir upp í það með silfri. Fyrir vikið eyðlegst mótið og því ómögulegt að fjölda framleiða pennan. - Hver og einn penni er einstakur í heiminum.
Þeir fjóru pennar sem eru nú komnir í sölu eftir andlát Henry eru pennar sem hann hafði haft í sínu einkasafni og gerði fyrir sjálfan sig. Pennarnir eru allir merktir upphafsstöfum hans HSC.
Í þessum einstaka penna sameinast gæði og saga Conway Stewart saman við einstakt og ódauðlegt handverk Henry Simpole Catswoth. - Þetta er ekki aðeins penni í hæðsta gæðaflokki heldur er þetta einstakur skartgripur, listaverk og stofustáss sem á sér merkan stað í blekpennasögu heimsins.
Henry Simpole Chatsworth Blue Stardust Blekpennin var aðeins framleiddur í 4 sérmerktum eintökum og eðli málsins samkvæmt verða þeir ekki fleiri.
Penninn er 16,5cm langur lokaður. Penninn er 1,6cm í þvermál og 41 grömm. Oddur: Miðlungs.